+7 (777) 001 44 99
Қазақша
Русский
English
Қазақша
Русский
English
Алматыда бірнеше аула мен көшені су басты, - деп хабарлайды Tengrinews.kz тілшісі қалалық ТЖД баспасөз қызметіне сілтеме жасап.
ТЖД мәліметінше, Алматыда сағат 10.30-дағы жағдай бойынша 112 және 109 құтқару қызметіне су басу (аула аумақтары, көшелер) туралы 11 хабар келген.
"Оқиға орнына ТЖ басқармаларының жауапты инспекторлары шықты - оның ішінде 7 дерек расталмады, олар Әуезов ауданы Яссауи көшесі, 173, Жетісу ауданы Федоров көшесі, Жетісу ауданы Гастелло 44, Бостандық ауданы Лебедев көшесі 11, Алмалы ауданы Мұқанов көшесі 77, Дәулетқалиев көшесі 4, Ақбұлақ шағынауданы, Алатау ауданы Шарипов көшесі 26/1", - деп хабарлады ТЖД өкілдері.
Жетісу ауданында Гончаров көшесі 60 мекенжайында бітеліп қалған арық құбыры тазартылды, Брюсов көшесінде ТЖД күштері сорғы қолданды.
Алатау ауданы Магаданская көшесі 53 үйінде мердігерлік ұйым арық желісін тазартты.
Наурызбай ауданында Сұраншы батыр көшесі 2-де жеке үйдің ауласын су басып, әкімдіктің мердігерлік ұйымы жұмыс істеді.
ТЖД өкілі түске дейін су басудың барлық расталған жағдайы бойынша жұмыстар аяқталғанын айтты.
Қазгидромет мәліметінше, 27 наурызда сағат 21.00-ден 09.00-ге дейін Алматыда 23 миллиметр жауын-шашын түскен. Айдың басынан 146,1 миллиметр жауын-шашын болды, норма 76 миллиметр. Тауларда дымқыл қар жауып жатыр, биіктігі ҮАК-да 107, Мыңжылқыда - 67, Медеуде - 44.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
