Алматыда "Бұқар Жырау Тауэрс" тұрғындары эвакуацияланып жатыр

Алматыда "Бұқар Жырау Тауэрс" тұрғын үй кешенінің тұрғындары эвакуацияланып жатыр, - деп хабарлайды Tengrinews.kz тілшісі.

Алматыда "Бұқар Жырау Тауэрс" тұрғын үй кешенінің тұрғындары эвакуацияланып жатыр, - деп хабарлайды Tengrinews.kz тілшісі.

ТЖД мәліметінше, 7 шілдеде түсте көпқабатты тұрғын үй кешенінің бірінде түтін шыққан. Құтқарушылар оқиға орнына жоғары шақыру дәрежесі бойынша жетті, қазір олар тұрғындарды эвакуациялап жатыр.

"7 шілдеде өртсөндірушілер жоғары шақыру дәрежесімен шықты. Олар 12.43-те келгенде 23 қабатты тұрғын үйдің 13-қабатындағы пәтерден түтін шығып жатты. Тұрғындар эвакуацияланып жатыр. Адамдарды эвакуациялау және құтқару жолында АД-120 түтін жоятын өрт сөндіру автомобилі жұмыс істеп жатыр. Ол таза ауа беруге көмектеседі", - деп хабарлады ведомство өкілдері.

Посмотреть эту публикацию в Instagram

Публикация от Департамент по ЧС г.Алматы (@almaty_tjd)

Сонымен қатар, ТЖД мәліметінше, оқиға орнында газ-түтіннен қорғау қызметінің 10 тобы жұмыс істеп жатыр, олар барлау жүргізеді. Сондай-ақ, өрт ошағына өрт оқпандары беріліп, өрт автосаты орналастырылды, екі жауынгерлік учаске құрылды.

Еске салайық, 24 сәуірде түстен кейін Алматыдағы "Бұқар Жырау Тауэрс" тұрғын үй кешенінде тұрғындардың бірі мен күзетші арасында жанжал шығып, салдарынан күзетші мылтықтан жарақат алған. Ол ауруханаға жеткізілді.

Кейінірек атыс шығарған ер адам 17-қабаттағы пәтеріне тығылып қалды. Оқиға орнына полиция келіп, аумақты қоршады. Тұрғын үй кешенінен ара-тұра атылған оқтың дыбыстары естілді. Құқық қорғау органдарының мәліметінше, қарулы адам сөйлесуден бас тартып, баспалдақ жаққа 10-нан аса оқ атқан.

Соңында ер адам терезеден секіріп өлді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Өрт Алматы