+7 (777) 001 44 99
Қазақша
Русский
English
Қазақша
Русский
English
Алматыда екі танымал бағытқа жаңа автобустар жүретін болды, - деп хабарлайды Tengrinews.kz тілшісі.
Бұған дейін қала тұрғындары № 202 және № 205 бағыттағы автобустардың үстінен бірнеше рет шағымданған болатын. Қалалық ұтқырлық бөлімі бұл бағыттар бойынша желтоқсанның 2-інен бастап жаңа Foton маркалы автобустар шығарылатынын хабарлады.
Сыйымдылығы 85 адамнан асатын 12 метрлік жаңа автобустар газбен жүреді, кондиционермен жабдықталған. Бұған дейін бұл бағыттағы автобустың сыйымдылығы 70 адам болатын.
№ 202 маршрутта ЛиАЗ маркалы 15 автобус жүрді. Осыған байланысты 20 жаңа автобусты іске қосу туралы шешім қабылданды. Жаңартудан кейін автобустар арасындағы аралық 14-15 минутты құрайды. "Сайран" - Қаскелең автовокзалы бағыты бойынша жолаушылар ағыны айына 160 мыңнан 400 мың жолаушыға дейін ұлғайтылады деп күтіліп отыр.
№ 205 маршрутқа 18 автобус қызмет көрсетті. Енді "Жетісу" Орбита базар бағыты бойынша 25 жаңа автобус қызмет көрсетеді және қозғалыс аралығы 7-9 минут. Жылжымалы құрамның жаңартылуымен маршрут айына 500 мың жолаушыға қызмет көрсетеді деп күтіліп отыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
