+7 (777) 001 44 99
Қазақша
Русский
English
Әлеуметтік желілерде Алматыда өртсөндірушілердің жанып жатқан "Газель" маркалы автокөлікті сөндіруге тырысқан видеосы тарады, - деп хабарлайды Tengrinews.kz тілшісі.
Кадрларда өртсөндірушілердің жабдықтары істен шығып, өртті сөндіруге су жетіспегені байқалады. Видео авторы өртсөндірушілердің сасқалақтағанын айтып, олардың дайындығына күмән келтірген.
Алматы ТЖД түсіндірмесі
Tengrinews.kz редакциясының Алматы ТЖД-ға өрт техникасындағы кідіріс туралы сауалына ведомство өртсөндірушілер келгеннен кейін 6 минут ішінде өрт сөндірілгенін хабарлады.
Ведомство мәліметінше, 9 шілдеде сағат 15:39-да 101 қызметінің пультіне Әл-Фараби мен Назарбаев даңғылдарының қиылысында автокөліктің өртенгені туралы хабар түскен.
"Сағат 15:41-де "112" жүйесінің бейнебақылау камералары автокөліктің толықтай жанып жатқанын тіркеді, бұл хабарламаның кеш түскенін және жүргізушінің өртті өздігінен сөндіруге тырысқанын көрсетеді. Өртсөндірушілер келген кезде "Газель" (2021 жылғы) маркалы автокөлік 7 шаршы метр аумақта ашық жалынмен жанып жатқан. Өрт сағат 15:57-де толығымен сөндірілді", – деді Алматы ТЖД өкілдері.
Посмотреть эту публикацию в Instagram
Сонымен қатар, ТЖД өкілдері оқиға орнында осындай жағдайларға арналған арқаға асылатын өрт сөндіру кешені қолданылғанын атап өтті.
"Оқиға кезінде сорғыда техникалық ақау туындады. Өрт сөндіру кешені қолданылды. Зардап шеккендер мен қаза тапқандар жоқ", – деді ТЖД өкілдері.
Сондай-ақ, Алматы ТЖД тұрғындарға өрт белгілерін байқаған жағдайда 101 немесе 112 нөмірлеріне мүмкіндігінше тез хабарлауды еске салды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
