+7 (777) 001 44 99
Қазақша
Русский
English
22 шілдеден бастап Алматыда үш ақылы тұрақ іске қосылады, - деп хабарлайды Almaty.Parking.
Жаңа ақылы тұрақтар Мақатаев пен Райымбек көшесі арасындағы Панфилов көшесінде, Сәтбаев пен Абай көшесі арасындағы Уәлиханов көшесінде, Мақатаев пен Мәметов көшесі арасындағы Наурызбай батыр көшесінде пайда болды.
Барлығы 133 тұрақ орны ашылады.
"Бұл жерлерде жұмыс уақытында трафик тудыратын кеңсе, мейрамхана мен түрлі орындар орналасқан. Биыл тегін автотұрақтарда көлік толы болды және қала билігімен талқылаудан кейін бұл учаскелерді ақылы ету туралы шешім қабылданды.
Негізгі мақсат - тұрақтардың орнын көбейтіп, барлық азаматқа қоғамдық орында бірдей құқық беру. Тариф артық трафиктің болмауына, күні бойы бос орындар санын ұлғайтуға, тұрақ процесін реттеуге, тұрақ орындарын дұрыс бөлу арқасында заң бұзушылықтар санын азайтуға және ағын қозғалысының жылдамдығын арттыруға мүмкіндік береді", - дейді Almaty.Parking өкілдері.
Қазақстан жаңалықтары. Соңғы жаңалықтар. Telegram желісінде бізге жазыл!
