Алматыда жаңажылдық ертеңгіліктер мен корпоративтерге тыйым салынды. Бұл туралы қаланың бас санитар дәрігері Жандарбек Бекшин мәлімдеді, - деп хабарлайды Tengrinews.kz тілшісі.
"Коронавирусқа қатысты жағдай шиеленісіп тұр, осыған байланысты кәсіпкерлерге тағы да айтарым - жаңажылдық ертеңгіліктер мен корпоративтерге тыйым салынады", - деді Бекшин.
Еске салайық, Алматы коронавирус таралуы бойынша "сары" аймаққа оралды.
Денсаулық сақтау министрлігінің деректері бойынша, 8 желтоқсандағы жағдайға сәйкес, Павлодар және Солтүстік Қазақстан облыстары "қызыл" аймақта. "Сары" аймақта: Шығыс Қазақстан, Атырау, Қостанай, Ақмола облыстары және Нұр-Сұлтан қаласы. Қалған өңірлер "жасыл" аймақта орналасқан.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
