Алматыда №141 жолаушылар автобусы тұрғын үйге соғылды, - деп хабарлайды Tengrinews.kz тілшісі.
Басылым мәліметінше, жол апатынан жүргізушінің өзі мен алты жолаушы зардап шеккен. Оқиға 10 қазан сағат 18:00 шамасында болған.
"Жеке тасымалдаушы "Олжас ЛТД" ЖШС қызмет көрсететін №141 бағыттағы "Yutong" автобусын басқарған жүргізуші Күдерин көшесімен оңтүстік бағытта келе жатып, рульге ие бола алмай, жол жиегіне шығып кетіп, тұрғын үйге соғылған. Жол апатынан жүргізуші мен автобустың алты жолаушысы зардап шекті. Осы дерек бойынша Қылмыстық кодекстің 345-бабының 2-бөлігі "Жол қозғалысы ережелерін бұзу немесе абайсызда адам денсаулығына ауыр зиян келтірген көлік құралдарын пайдалану" бойынша соталды тергеу басталды", - деп хабарлады Алматы қаласы ІІД анықтау басқармасының басшысы Олжас Шәріпов.
Сілтемесіз жаңалық оқисыз ба? Онда Telegram желісінде парақшамызға тіркеліңіз!