+7 (777) 001 44 99
Қазақша
Русский
English
Қазақша
Русский
English
Алматы қаласының бас санитария дәрігері Қарлығаш Әбдіжаббарова эпидемиологиялық жағдай күрделенуіне және жаңа омикрон штамы табылуына байланысты жаңа қаулыға қол қойды, - деп хабарлайды Tengrinews.kz тілшісі ВАК мәліметіне сілтеме жасап.
Қаулы шарттары мынадай:
- Ashyq жобасына қатысатын нысандарда 30 адамға дейiн еске алуды қоспағанда, ашық аспан астында да, уй-жайлар ішінде де бұқаралық iс-шараларды (банкеттер, үйлену тойлары, мерейтойлар және т.б.) өткiзуге және қатысуға тыйым салу;
- қоғамдық орындарға, оның iшiнде қоғамдық көліктерге және кызметiне рұқсат етілген нысандарға барған кезде, сондай-ақ қоғамдық орындарда (5 жасқа дейiнгi балаларды қоспағанда және ашық ауада спортпен шұғылдануды қоспағанда) бетперде тағу, әлеуметтік арақашықтықты сақтау және антисептиктерді пайдалану;
- ПТР-сынама оң нәтиже көрсеткенде ("қызыл" статус) және науқаспен жақын байланыста болған кезде ("сары" статус) - 14 күн iшiнде өзін оқшаулау режимі.
15 қаңтардан бастап Ashyq-та "жасыл" мәртебесі барлар ғана спорт орталықтарына, моншаларға, сауналарға кіре алады.
Ashyq жобасына қатысатынына қарамастан, тыйым салынады:
- концерт залдары, театрлар, цирктер, филармониялар қызметіне;
- ұжымдық іс-шаралар, конференциялар, семинарлар, көрмелер, форумдар өткізуге;
- жаңа клубтар, барлар, караоке жұмысына.
Қаулының толық мәтінін мына сілтемеден оқи аласыз.
Еске салайық, 12 қаңтарда Қарлығаш Әбдіжаббарова Алматының жаңа бас санитария дәрігері болып тағайындалған еді. Бұл қызметке ол зейнетке шыққан Жандарбек Бекшиннің орнына келді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
