Алматыда қарсы жолақпен жүрген автобустың видеосы тарады

Алматыда автобус жүргізушісі Сүйінбай даңғылында қарсы жолаққа шыққан. Оқиға болған жерде түсірілген видео әлеуметтік желілерде пайда болды, - деп хабарлайды Tengrinews.kz тілшісі.

Алматыда автобус жүргізушісі Сүйінбай даңғылында қарсы жолаққа шыққан. Оқиға болған жерде түсірілген видео әлеуметтік желілерде пайда болды, - деп хабарлайды Tengrinews.kz тілшісі.

Көлік салонынан түсірілген видеодағы мәліметке сүйенсек, оқиға 5 сәуір күні кешке болған. Видео кадрларынан №33 автобус жүргізушісі негізгі қозғалысқа қарсы сол жақ жолақпен жүріп келе жатқанын көруге болады. Полиция көлік тізгінінде Алматы облысы Қарасай ауданының 56 жастағы тұрғыны болғанын хабарлады. Салонда жолаушылар болған-болмағаны туралы деректер жоқ.

"Жергілікті полиция қызметі әлеуметтік желілерге мониторинг жүргізу барысында автобус жүргізушісінің жол қозғалысы ережелерін өрескел бұзу дерегі бойынша шаралар қабылдады. Әкімшілік құқық бұзушылық туралы кодекстің 606-бабын бұзғаны үшін ер адам әкімшілік жауапкершілікке тартылды. Құқықбұзушы кінәсін толық мойындады. Шешім қабылдау үшін материалдар сотқа жіберілді", - деді Алматы қаласы ПД баспасөз қызметі өкілі.