+7 (777) 001 44 99
Қазақша
Русский
English
Алматыда коронавирустан қайтыс болған екі адамға қатысты дерек шықты, - деп хабарлайды Tengrinews.kz тілшісі қала әкімдігіне сілтеме жасап.
Кеше, 20 сәуірде Алматыда коронавирус жұқтырғандардың саны 524-ке жетіп, тағы екі адам қайтыс болды.
Әкімдіктегілердің мәліметінше, қайтыс болған екі науқастың жағдайы аса ауыр болатын.
"Оның біреуі - 1958 жылы туған ер адам. Пациенттің бұл инфекциядан басқа жіті бүлінген панкреатиті, ауыр дәрежелі қан аздық, артериалдық гипертония деген сияқты қосымша аурулары болған. Жүрек қызметі тоқтау себебінен көз жұмды. Екіншісі - 1931 жылы туған әйел, ол сондай-ақ жүректің ишемиялық ауруы, артериялық гипертензия, дисциркуляторлық энцефалопатия сияқты қосымша диагноздармен ауыр жағдайда болған", - делінген хабарламада.
Жалпы жұқпалы аурулар стационарларында Алматы облысынан науқас әйелді есепке ала отырып, 436 адам коронавирустық инфекциядан емделіп жатыр.
"Екі науқастың жағдайы - өте ауыр, алтауының жағдайы - ауыр, 138 адамда - ауырлықтың орташа дәрежесінде және қалған адамдардың жағдайы - қанағаттанарлық. 84 науқас коронавирустан сауығып, емдеуден шығарылды. Провизорлық госпитальдарда 294 адам, карантин оқшаулауында 520 адам, үй карантинінде 9764 адам жатыр", - дейді әкімдіктегілер.
Қазақстан жаңалықтары. Соңғы жаңалықтар. Telegram желісінде бізге жазыл!
