Алматыда жылу желілерін қайта жабдықтау жұмыстарына байланысты жазда Эксперименттік база көшесіндегі жол жабылады, - деп хабарлайды Tengrinews.kz тілшісі.
Көше 2021 жылдың 8 маусымы мен 1 қыркүйегі аралығында жабық болады.
"Шектеулер осы көше сегментінің жүріс бөлігінің астынан өтетін магистраль құбырды жоспарлы ауыстыру жұмыстарына байланысты.
Қолайсыздықтарға түсінікпен қарап, бұл учаскені айналып өту жолдарын алдын ала қарастыруды сұраймыз", - деп хабарлады "Алматы жылу желілері" ЖШС өкілдері.
Ғимараттарға ыстық су уақытша ыстық сумен жабдықтау схемасы бойынша беріледі.
Айта кетейік, Алматыда 10 маусымға дейін әл-Фараби даңғылының бір бөлігі жабылды.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
