+7 (777) 001 44 99
Қазақша
Русский
English
Алматы полициясы конвой қызметі автокөлігінен қашып кеткен ер адамның суреті мен деректерін жариялады, - деп хабарлайды Tengrinews.kz тілшісі.
"Алматы полициясы 1996 жылы туған Аубакри К.Е. есімді азаматты іздестіріп жатыр. Ол өткен кеште конвой көлігінен қашып кеткен. Ізделіп жатқан адамның белгілері: бойы – 165-170 сантиметр, арық денелі, шашы қара, көзі қоңыр. Ерекше белгілері: мұрны қисайған", – делінген хабарламада.
Алматы ПД баспасөз қызметі ұсынған
Қашқынның қайда екенін білетіндерден келесі телефон нөмірлеріне хабарласу сұралады: 8-701-758-67-60; 8-778-158-54-44; 254-40-42 немесе 102.
Еске салсақ, Алматыда сотталушының қашып кеткені туралы ақпарат 4 желтоқсанда белгілі болды. Сол кезде полиция бөтеннің мүлкін ұрлады деп айыпталған сотталушыны ұстауға бағытталған жедел-іздестіру шаралары жүргізіліп жатқанын хабарлаған. Сонымен қатар, қызметтік тексеріс басталған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
