+7 (777) 001 44 99
Қазақша
Русский
English
Қазақша
Русский
English
Алматыда Magnum дүкендер желісі тоналды, - деп хабарлайды Tengrinews.kz тілшісі.
Бұл ақпаратты компанияның PR-маманы Дмитрий Шишкин растады.
"Өкінішке қарай, қазіргі уақытқа дейін Төле би даңғылында орналасқан дүкендер бойынша екі мародерлік әрекет анықталды. Біреуі Тастақта, екіншісі Төле би - Шәріпов көшесінің қиылысында. Зардап анықталып жатыр", - деді Шишкин.
Оның айтуынша, қазіргі ахуалға байланысты қаладағы дүкендер жұмыс істеп тұр, бірақ штаттық режимде емес.
"Облыстағы қызметкерлер бойынша мәселе туындап тұр, бірақ мүмкіндігінше, қызметкерлер санын көбейтуге тырысамыз, тұрғындар қауіпсіз жағдайда азық-түлік сатып алуын қамтамасыз ету үшін үйлердің жанынан шағын дүкендер ашамыз", - дейді компания өкілі.
Сонымен қатар, Шишкиннің мәліметінше, дүкен сөрелерінен алкоголь өнімдері алынды.
"ТЖ заңы бойынша алкоголь өнімдерін сатуға тыйым салынады", - деді Шишкин.
Еске салайық, Алматыда жаппай тәртіпсіздіктер болып жатыр. Бүгінде қалада ТЖ режимі жарияланды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
