Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Алматыда нан бағасы 60 теңгеден аспайды

19 Ақпан 2014, 21:18
0
©Нұрғиса Елеубеков
©Нұрғиса Елеубеков
Алматыда нанның бағасы бұрынғы деңгейде қалады, яғни 60 теңгеден аспайды, деп хабарлайды Tengrinews.kz тілшісі қала әкімдігінің баспасөз қызметіне сілтеме жасап.

Алматы қаласының әкімдігі, Ауыл шаруашылығы министрлігі, "Азық-түлік келісімшарт корпорациясы" Ұлттық компаниясы" АҚ және қаланың ұн тарту өнеркәсібі мен нан пісіру кәсіпорындары арасында әлеуметтік нан бағасын сақтап қалу ережесі туралы меморандумға қол қойылды. Алматы қаласы әкімінің орынбасары Ербол Шорманов ірі шаһарда соңғы бірнеше жылда нан бағасы өзгермегенін айтты.

Ол теңге бағамының өзгеруі бағаны қайта қарауға әсер етпейтіндігін тілге тиек етті. Шормановтың сөзінше, астық қоры жаңа өнімге дейін, яғни тамыз айына дейін жетеді. Бұдан басқа "Азық түлік келісім шарт корпорациясы" астық өңдейтін компанияларға астықтың әр тоннасын 30 мың теңге деп жариялады.

Еске сала кетейік, теңге бағамының өзгерісінен кейін Алматы қаласының әкімі Ахметжан Есімов дереу азық-түлік бағасының өсіп кетпеуін қадағалауға алуды тапсырған болатын. Қала басшысы бағаны тежеу үшін барлық заңды механизмді іске қосып, тіпті мүдделі мемлекеттік органдармен бірлесіп әрекет етуді тапсырды. Сонымен бірге Есімов нан бағасын қалыпты деңгейде ұстап тұру үшін Үкіметке меморандум жасау туралы ұсыныспен шықты.

Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай