+7 (777) 001 44 99
Қазақша
Русский
English
Алматының коммуналдық қызметі нөсер жаңбырға байланысты күшейтілген жұмыс режиміне көшті, - деп хабарлайды Tengrinews.kz тілшісі.
Қазгидромет мәліметінше, Алматыда 20 маусым сағат 15:00-ден бастап 21 маусым сағат 02:00-ге дейін жаңбыр жауады, кей жерлерде 20 мм-ге дейін қатты жауын-шашын жауып, найзағай ойнап, бұршақ та жаууы мүмкін. Метеорологтар бірнеше сағат ішінде маусымдағы норманың үштен бірі жаууы мүмкін екенін болжап отыр. Күндіз ауа температурасы +28…+30 °С болады.
21 маусымға қараған түні өткінші жаңбыр жауып, найзағай ойнайды, күндіз жауын-шашын жаумайды. Ауа температурасы түнде +17…+19 °С, күндіз +31…+33 °С болады.
22 маусымда көшпелі бұлт шығады, күндіз өткінші жаңбыр жауып, найзағай ойнауы мүмкін. Түнде ауа температурасы +20…+22 °С, күндіз +28…+30 °С болады.
"Су басу қаупінің алдын алу мақсатында 52 мобильді жедел бригада кезекшілікке қойылды. Олар мотопомпа және құрал-жабдықпен жабдықталған. Күндіз 426 арнайы техника, 26 мотопомпа және 895 жұмысшы жұмылдырылды", - деп жазылған хабарламада.
Қала тұрғындары мен қонақтарынан:
Ауа райының қолайсыздығына байланысты тауға бармау.
Ағаштар құлап, электр желілері үзілуі мүмкін екеніне байланысты көлікті жол жиегіне қоймау сұралды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
