+7 (777) 001 44 99
Қазақша
Русский
English
Алматыда техника өзен бойындағы жол төсеміне зақым келтірді, - деп хабарлайды Tengrinews.kz тілшісі.
Видео әлеуметтік желіде пайда болды. Куәгердің айтуынша, өзен (Есентай болуы мүмкін - авт.еск.) тазартылған, бірақ тазалау кезінде сәндік жол төсемі бүлінген.
"Міне, тракторлар мына жердің бәрін бүлдірді. Бүкіл жолды. Қараңызшы, бұл Абай мен Сәтбаев арасы. Бұл жерге қанша ақша құйылды. Техникаға шыдамай, бәрі қирады", - дейді автор дауысы.
Алматы әкімдігі видеоға қатысты пікір білдірді. Әкімдік мәліметінше, алдағы уақытта бұл жол қалпына келтірілмек.
"Алматы қаласы Экология және қоршаған ортаны қорғау департаменті мәліметінше, жолдарға келтірілген залалды мердігер қалпына келтіреді. Жол төсемін қалпына келтіру жұмыстары биыл сәуірдің аяғына дейін жүргізіледі", - дейді Алматы қаласы әкімдігінің баспасөз қызметі өкілдері.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
