1. Басты
  2. Біл
  3. Ел жаңалықтары

Алматыда Роза Бағланованың есіміне көше берілді

Алматы әкімі Бауыржан Байбек Қазақстан Республикасының бірінші Президенті күніне арналған салтанатты шара кезінде, Алматының Республика сарайы алаңында Алматыда кей көшелердің атауы өзгеретінін мәлімдеді, - деп хабарлайды Tengrinews.kz тілшісі. 

Байбек бұл шараның, яғни Алматы көшелерінің атын өзгерту қала қоғамының пікірінен туындағанын айтты. 

Алматы қаласы мәслихатының шешімімен бірқатар көшелердің аты жаңаша аталатын болды.

Сонымен, өзгертілген көшелер:

Алматы қаласы Алатау ауданы бойынша -"Көкқайнар" шағынауданындағы "Абай" көшесі - "Әзірбайжан Мәмбетов" көшесі;  "Әйгерім-1,2" шағынауданындағы "Ленин" көшесі - "Василий Бенберин" көшесі;

Алматы қаласы Алмалы ауданы бойынша -  "Левон Мирзоян" көшесі - "Шапық Шөкин" көшесі;

Алматы қаласы Бостандық ауданы бойынша: "8-линия" көшесі - "Ербол Сыпатаев" көшесі;

Алматы қаласы Медеу ауданы бойынша: 5. "Көктөбе" шағынауданындағы "Жамбыл Жабаев" көшесі - "Роза Бағланова" көшесі;

Алматы қаласы Наурызбай ауданы бойынша: "Қалқаман-2" шағынауданындағы "Мұхтар Әуезов" көшесі - "Бәйкен Әшімов" көшесі болып қайта аталатын болды.