+7 (777) 001 44 99
Қазақша
Русский
English
Қазақша
Русский
English
Алматыда жезөкшелікпен айналысуға арналған притон ұйымдастырған адам сотталды, - деп хабарлайды Polisia.kz.
Алматы қаласының ПД Тергеу басқармасының мәліметтеріне сәйкес, ұсталған адам алдын ала тергеу барысында анықталмаған белгісіз тұлғалармен топ болып, Алматы қаласында жыныстық қызметтер көрсету мақсатында жезөкшелерге арналған притон ұйымдастырған. Аталған факт бойынша Алматы қаласы Полиция департаментінің Тергеу басқармасы ҚР ҚК-нің 309-бабы (Жезөкшелікпен айналысуға арналған притондар ұйымдастыру немесе оларды ұстау және жеңгетайлық) бойынша қылмыстық іс қозғап, сотқа дейінгі тергеу амалдарын өткізді.
"Аталған қылмыстық іс бойынша бірқатар жедел-іздестіру шаралары өткізіліп, нәтижесінде күдіктінің жезөкшелікпен айналысу үшін притон ұйымдастырғаны, онда жыныстық қызметтер көрсету үшін қазақстандықтар мен Өзбекстан Республикасының азаматшаларын тартқаны анықталды. Аталған қылмыстың ұйымдастырушысы өз қарамағындағылардың міндеттерін айқындап берген, тергеу барысында анықталмаған азаматтар жеңіл жүрісті қыздарды күзету мен тасымалдауға жауап берсе, басты күдікті қыздарға клиенттер тауып, сол үшін жезөкшелер табысының 50 пайызын иемденіп отырған. Жеңіл жүрісті қыздарды тұрғын үймен, байланыс құралдарымен қамтамасыз етуді өз міндетіне алып, ғаламтор желісінде жарнамалар жариялаған", - деп мәлімдеді Алматы қаласы Полиция департаменті Тергеу басқармасының бөлім басшысы Әділ Салаев.
Басты күдіктінің тұрғылықты жерін тексеру барысында "ОСА" маркалы тапанша да тәркіленген.
"Алматы қаласының Мамандандырылған ауданаралық қылмыстық істер жөніндегі сотының үкімімен, ұсталған адам ҚР Қылмыстық кодексінің 309-бабы (Жезөкшелікпен айналысуға арналған притондар ұйымдастыру немесе оларды ұстау және жеңгетайлық) және аталған кодекстің 287-бабы (Қаруды, оқ-дәрілерді, жарылғыш заттарды және жарылыс құрылғыларын заңсыз иемдену, беру, өткізу, сақтау, тасымалдау немесе алып жүру) бойынша айыпты деп танылып, алты жыл алты ай мерзімге бас бостандығынан айыруға сотталды", - деді Әділ Салаев.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
