+7 (777) 001 44 99
Қазақша
Русский
English
Қазақша
Русский
English
Алматыда сүрілген базарлардың орнына алты сауда орны тұрғызылды, - деп хабарлайды Tengrinews.kz тілшісі қала әкімі Ахметжан Есімовтің халыққа есеп беру кездесуінен.
Әкімнің айтуынша, сауда-саттықтың қазіргі заманғы жағдайларын жасау жөніндегі жұмыстар шеңберінде 21 базарды жою мен 53 базарды қайта салу жоспарланған. "Қазір барахолканың орнынан қазіргі заманғы орталықтар бой көтергенін көре аласыздар. Мұның бәрі оңайға соқпағанын түсінесіздер. Көп ақша бар жерде, ешнәрсе оңай істелмейді. Үлкен қарсылық көрсетілді. Девальвация мен ауыр болған 2014 жылы сауда-саттық 9 пайызға өсті. 21 базар бойынша мәселе шешілді, жеті базар бойынша жер телімдері тәркіленіп жатыр. 2014 жылы жалпы ауданы 230 мың шаршы метрден асатын екі ірі сауда - ойын-сауық орталығы ашылды, Алматыдағы қазіргі заманғы сауда нысандарының жалпы ауданы 1 миллион шаршы метрден асады", - деді Есімов.
Еске сала кетейік, бірнеше жыл бұрын жергілікті билік қаладағы заңбұзушылықтармен салынған барлық базарды бұзатынын мәлімдеген еді. Атап айтқанда, әкімдік барахолка базарлары қожайындарына жаңа сауда орындарын тұрғызуды ұсынды. Бұл жердегі базарлардың көбі "қызыл сызықтан" асып кететін аумақта салынғаны айтылды.
Бұған қоса, базарларда өрт қауіпсіздігі талаптары сақталмайды, қазіргі заманғы көлік тұрақтары жоқ. 2013 жылы Алматы барахолкасында бірнеше рет өрт шықты. Сол жылдың қыркүйегінде ірі өрт болды - базарлардың 5400 шаршы метрі өртеніп кетті.
