+7 (777) 001 44 99
Қазақша
Русский
English
Цифрландыру басқармасы мәліметінше, 2024 жылдың аяғына дейін Алматыда тағы 50 мың бейнекамера қосылады, - деп хабарлайды Tengrinews.kz тілшісі.
Алматыда жыл аяғына дейін 50 мың бейнебақылау камерасын бірыңғай бейнебақылау жүйесіне (ББЖ) қосу жоспарланған. Қазір жүйеге 209 жеке және 613 мемлекеттік нысандардағы 45 мың камера қосылған, ал 2025 жылға қарай олардың саны 70 мыңға жетеді.
"Жолдағы қауіпсіздікті арттыру үшін "Сергек" кешенінің 300 камерасы орнатылып, қаладағы осындай кешендердің жалпы саны 1 641-ге жетті.
Сонымен қатар, "Кешенді қауіпсіздік жүйесі" жобасы аясында жыл аяғына дейін 71 денсаулық сақтау нысанында да қауіпсіздік шаралары іске асырылады", - делінген хабарламада.
Бұл шаралар Алматыдағы қауіпсіздік деңгейін арттырып, қоғамдық тәртіпті бақылауды күшейтуге бағытталған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
