+7 (777) 001 44 99
Қазақша
Русский
English
Алматыда тегін мұзайдындары ашылды, - деп хабарлайды Tengrinews.kz тілшісі қала әкімдігіне сілтеме жасап.
Алматыда қала тұрғындары мен қонақтары үшін төрт жерде тегін мұзайдыны ашылған:
- Тұңғыш Президент саябағының алдында;
- Республика Сарайының алдында;
- Әуезов ауданында Ықылас 8 д мекенжайы бойынша Таугүл шағынауданында;
- Шұғыла шағынауданы, 347 мекенжайы бойынша Наурызбай ауданы әкімдігінің алдында.
Мұзайдындары тәулік бойы жұмыс істейді.
"Кіру – тегін, конькиді жалға алу құны (2 сағат) 1000 теңге. Конькимен келгендерге тегін. Жалға беру пункттері жұмыс күндері 10:00-ден 22:00-ге дейін және демалыс күндері 10:00-ден 23:00-ге дейін ашық болады", - делінген хабарламада.
Сондай-ақ, келесі аптада Түрксіб ауданы Сейфуллин, 13 мекенжайы бойынша №6 Оқушылар үйі алдында және Жетісу ауданында "Гүлдер" саябағында мұзайдындары ашылатыны айтылды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
