Алматыда түнде келушілерді артқы есіктен кіргізіп жүрген мейрамхана анықталды

Алматыдағы мейрамханалардың бірі келушілерді артқы есіктен кіргізіп отырған. Бұл туралы қоғам қайраткері Бибінұр Шерәлиева Facebook желісіндегі парақшасында айтты, - деп хабарлайды Tengrinews.kz тілшісі.

Алматыдағы мейрамханалардың бірі келушілерді артқы есіктен кіргізіп отырған. Бұл туралы қоғам қайраткері Бибінұр Шерәлиева Facebook желісіндегі парақшасында айтты, - деп хабарлайды Tengrinews.kz тілшісі.

Түнгі рейд Медеу ауданының әкімдігімен бірлесіп өткен. Әйтеке би мен Қалдаяқов көшелерінің қиылысында орналасқан мейрамхана келушілерді артқы есік арқылы кіргізген. Мекеменің кіреберісіндегі жарық өшіп тұрған, бірақ қоғамдық қызметкердің айтуынша, ішінде орналасқан залда қорқор (кальян) болған.

"Егер осылай жалғаса берсе, біз карантиннен ұзақ жылдар бойы шықпаймыз! Бұл бізге зиян, инфекция әлі де тарап жатыр. Президентті өкімі бар, карантин жарияланды, барлық күш COVID-19-ға қарсы жұмсалып жатыр, енді не дейсіздер? Аурудың тарауына кім кінәлі? Бұл жерде де сіздерді түнде мейрамханаға отырғызып қойған билік пе? Карантин режимін бұзғандарды қатаң жазалау керек, тек айыппұл салып қоймай, реанимацияға апарып, адамдардың денесін тасытып, мәуітханаға экскурсия жасау керек, сол кезде жауапкершілік пайда болатын шығар", - дейді Бибінұр Шерәлиева.

Фото Facebook / Бибінұр Шерәлиева