+7 (777) 001 44 99
Қазақша
Русский
English
Алматыда тұрғын үй кешені сүріліп жатыр, - деп хабарлайды Tengrinews.kz тілшісі Қала құрылысын бақылау басқармасына сілтеме жасап.
"Обсерватория, 104/4 көшесіндегі "Мечта" тұрғын үй кешенін бұзу басталды. Бұл туралы Алматы қаласының Қала құрылысын бақылау басқармасы хабарлады. Бұл мәселе бойынша сот 2022 жылдан бері жалғасып келеді. Құрылыс кезінде көптеген заңбұзушылықтар, соның ішінде рұқсат құжаттарының болмауы және жобадан ауытқулар анықталды", - делінген хабарламада.
Тұрғын үй кешені жеке тұрғын үйді пайдалануға арналған жер учаскесінде салынған, бірақ құрылыс салушы пәтерді тұрғын үй кешені ретінде ұсына отырып сатуды жоспарлаған.
"Тексеру жүргізілгеннен кейін және орындалмаған заңбұзушылықтарды жою туралы ұйғарым шығарылғаннан кейін бұзу туралы талап арыз берілді. Алматы қалалық сотының шешімі бойынша, бұзу талабы қанағаттандырылды, ал Жоғарғы Сот бұл шешімді растады.
"Мечта" ТК бұрын заңбұзушылықтарға байланысты сатып алу үшін жарамсыз деп танылды. Ол заңнама талаптары мен құрылыс нормаларын бұза отырып салынған 54 таулы аймақ нысандарының жарияланған тізіміне енді", - делінген әкімдік хабарламасында.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
