+7 (777) 001 44 99
Қазақша
Русский
English
Қазақша
Русский
English
Алматыда соттың шешімі бойынша үш қабатты ғимарат бұзылады, - деп хабарлайды Tengrinews.kz тілшісі қала әкімдігі мәліметіне сілтеме жасап.
"Алматыдағы Кәрімов көшесі, 109 мекенжайда заңсыз салынған нысан соттың шешімі бойынша бұзылады. Мегаполистің қала құрылысын бақылау басқармасының ақпараты бойынша, бұрын тұрғынның өтініші негізінде жоспардан тыс тексеру жүргізіліп, құрылысқа рұқсат беру құжаттарының жоқтығы анықталған.
Басқарма іс материалдарын Алматы мамандандырылған ауданаралық әкімшілік сотына жолдай отырып, ҚР ӘҚБтК-нің 316-бабы 1-бөлігі, 321-бөлігі, 463-бабы 1-бөлігі, 462-бөлігі 3-бөлігі бойынша әкімшілік шаралар қабылдады", - делінген хабарламада.
Меншік иесі құқық бұзушылық жасағаны үшін кінәлі деп танылып, құрылыс-монтаж жұмыстары тоқтатылып, әкімшілік айыппұл салынғаны айтылды.
"Алмалы аудандық сотына заңсыз тұрғызылған нысанды бұзу туралы талап қойылды және аудандық соттың 2021 жылғы 28 қазандағы шешімі бойынша басқарманың талап арызы қанағаттандырылды, содан кейін атқару парағы Әділет департаментіне берілді. Бұзу Әділет департаментінің сот орындаушыларының қатысуымен басталды".
Сілтемесіз жаңалық оқисыз ба? Онда Telegram желісінде парақшамызға тіркеліңіз!
