+7 (777) 001 44 99
Қазақша
Русский
English
Алматыда үшінші күн қатарынан жаңбыр жауып, қала көшелерін су басты, - деп хабарлайды Tengrinews.kz тілшісі қалалық әкімдіктің баспасөз қызметіне сілтеме жасап.
Әлеуметтік желіде нөсер салдары түсірілген видеолар тарады. Мегаполистің әр жерінде аулалар мен көшелерді су басты.
Посмотреть эту публикацию в Instagram
Әкімдік өкілдері қалада жаңбыр, тауда қар жауғанын, Шымбұлақта 20 сантиметр қар түскенін хабарлады.
"Су басу туралы арыз-шағымдар тіркелген жоқ. Дегенмен, проблемалық аймақтарда, әсіресе Райымбек батыр даңғылынан төмен жерлерде арық желілерінің толып кету деректері бар. Әрбір факт бойынша суды бұру бойынша жедел шаралар қабылданды", - деді әкімдік өкілдері.
Қала бойынша барлығы 52 техника, 27 мотопомп, 2390 дана ыдыс-қап және 104 жұмысшы жұмылдырылған.
Бұл ретте синоптиктер алдағы үш күнге Алматының ауа райы болжамын ұсынды. Мамандар қалада жауын қашан тоқтайтынын айтты. Олардың айтуынша, жауын-шашын 25 қараша, сенбіде тоқтауы керек.
"23 қарашада ауа райы бұлтты, жауын-шашын, кей уақытта нөсер, тұман күтіледі. Жел екпіні - секундына 3-8 метр. Ауа температурасы түнде 2 және 4 градус жылы, күндіз 5 және 7 градус жылы.
24 қарашада бұлтты, түнде жауын-шашын, көбінесе жаңбыр, тұман. Жел екпіні секундына 3-8 метр. Ауа температурасы түнде 2-4 градус жылы, күндіз 7-9 градус жылы.
25 қарашада көшпелі бұлтты, жауын-шашынсыз. Жел екпіні секундына 3-8 метр. Ауа температурасы түнде 4-6, күндіз 8-10 градус жылы болады", - деді синоптиктер.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
