04 қараша 2022 | 17:26

Алматыда веложолақтардан боллардтар неге алынып жатыр? Әкімдік түсіндірді

Дина Шарипханова Корреспондент

Фото: Tengrinews.kz/Әлихан Сариев

Алматыда веложолдарды тасжолдан бөліп тұрған тіректер (боллард) алынып жатыр. Велосипедшілердің айтуынша, Байтұрсынов көшесі бойындағы веложолдағы тіректер алынған, - деп хабарлайды Tengrinews.kz тілшісі.

Алматыда веложолдарды тасжолдан бөліп тұрған тіректер (боллард) алынып жатыр. Велосипедшілердің айтуынша, Байтұрсынов көшесі бойындағы веложолдағы тіректер алынған, - деп хабарлайды Tengrinews.kz тілшісі.

Алматы әкімдігі жағдайға байланысты пікір білдірді.

"Коммуналдық көліктерге жол бөлігіндегі қарды толықтай шығаруға ыңғайлы болу үшін жыл сайын қарашадан ақпанға дейін тіректер алып тасталады. Бұл қалыпты тәжірибе", - деді Алматы әкімдігінің баспасөз қызметі өкілдері.

Алматы әкімдігі мәліметінше, жеке автокөлікті пайдалануды азайту үшін 2030 жылға дейін микромобильділік пен басқа да инфрақұрылымға арналған 60 шақырым жаңа веложол салынады.