+7 (777) 001 44 99
Қазақша
Русский
English
Алматының Жасыл шаруашылық басқармасы өткен жылдың көктемінде Әл-Фараби даңғылындағы "Сұңқар" шаңғы трамплиндері кешені ауданында дендросаябақ салынады деген жоба жүзеге асырыла ма, жоқ па деген сұраққа жауап берді, - деп хабарлайды Tengrinews.kz тілшісі.
"Дендросаябақтың жалпы ауданы 57 гектар болуы керек. Біз бұл жобаның жобалық-сметалық құжаттамасын әзірлеп жатырмыз. Ғылыми мамандармен бірлесе отырып, еңісті нығайту үшін көшкін баурайына ағаш отырғызу мәселесін пысықтап жатырмыз. Жоба шілде айында сараптамадан өтеді деген жоспар бар", - деді Алматы қаласы Жасыл экономика басқармасы басшысының орынбасары Ұлан Абдулдаев.
Абдулдаевтың айтуынша, инвесторлар Әл-Фараби арқылы өтетін жаңа саябақ аймағын Ботаникалық бақпен байланыстыратын жаяу жүргіншілер көпірі жобасын әзірлеп жатыр. Бұл жоба да осы жазда сараптамадан өтеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
