Алматыдағы еврейлердің діни жиыны: Rixos қонақүйіне айыппұл салынды

Алматыдағы Rixos қонақүйі әкімшілігіне жаппай жиналыс өткізуге рұқсат бергені үшін айыппұл салынды, - деп хабарлайды Tengrinews.kz тілшісі.

Алматы қаласының бас санитария дәрігері Жандарбек Бекшиннің айтуынша, Rixos қонақүйінің әкімшілігіне жаппай жиналыс өткізуге ғимаратты бергені және ұйымдастырғаны үшін 30 АЕК (87 510 теңге) айыппұл салынған. Сондай-ақ, ол эврейлер Алматыға бір күнге ғана ұшып келгенін айтты.

"Қазір жұмыс әлі де жалғасып жатыр. Тексеру прокуратураның рұқсатынан кейін жүргізіледі, әлі анықталғандардың бәрі жазаланады", - деді ол брифинг барысында.

Айта кетейік, бұған дейін Алматы қаласының әкімі Бақытжан Сағынтаев Алматының бас санитария дәрігері Жандарбек Бекшинге сын айтқан болатын. Себебі, еврей қоғамдастығының жиыны өткен Rixos қонақүйіне айыппұл салынбаған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!