+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматыдағы коттедждер радикалдарды тарту үшін жатақхана ретінде қолданылған. Мұндай мәліметтерді діни экстремизм мен терроризмге қарсы мемлекеттік бағдарламаны талқылау барысында Мәжіліс депутаты Жанат Жарасов айтты, - деп хабарлайды Tengrinews.kz тілшісі.
Алматыдағы коттедждер радикалдарды тарту үшін жатақхана ретінде қолданылған. Мұндай мәліметтерді діни экстремизм мен терроризмге қарсы мемлекеттік бағдарламаны талқылау барысында Мәжіліс депутаты Жанат Жарасов айтты, - деп хабарлайды Tengrinews.kz тілшісі.
Депутат экстремизм мен терроризмге қарсы заңнамаға түзетулер енгізу жайлы айтылғанда палата мүшелерінің құқық қорғау органдарымен және арнайы органдармен біріге отырып, пәтерді жалға берушілер мен жалға алушыларға қатысты мәселені реттеу керектігі туралы шешім қабылдағандарын айтып өтті.
"Бүгінде пәтерді жалға беру мен оны жалға алу мәселесі бақылануы керек. Ақтөбедегі қылмыстық, террористік топтардың барлығы қылмыс жасаған соң, жалдамалы пәтерлерде жасырынған", - деді депутат Жанат Жарасов 5 маусымда болған терактіні мысал ете отырып.
"Арнайы қызметтегілердің мәліметінше, Алматыдағы бірнеше коттедж ең арзан бағаға берілетін жатақханалар ретінде қолданылған. Қысқа уақыт аралығында жатақханаларға келген жастар радикалдардың ықпалына түскен", - деді депутат.
Сонымен қатар, депутат шетелдерде елдің ішінде азаматтарды тіркеу мәселесінің реттелгенін айтып өтті.
"Германияда елге келген азамат екі апта ішінде тіркелуі тиіс. Осы заң жалға берілетін пәтерлерге де қатысты. Заңды бұзған жағдайда, азаматтарға үлкен көлемдегі айыппұл салынады: 1000 еуродан 50 мың еуроға дейін. Мысалы, АҚШ-та азаматтар электрондық есеп жүйесі арқылы есепке алынады. Бұл есепті бірнеше қызмет өкілдері жүргізеді. (...) Егер де азамат өзінің мекен-жайын өзгертетін болса, ол 10 күн ішінде ол жайлы хабарлауы қажет, әйтпесе, оған айыппұл салынады. Осыған ұқсас шаралар Жапонияда да қолданылады", - деді Мәжіліс депутаты Жанат Жарасов.
