+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматыдағы инфекциялық ауруханаларда 29 мамырдағы жағдай бойынша менингококк инфекциясын жұқтырған 30 адам жатыр, - деп хабарлайды Tengrinews.kz тілшісі қалалық Денсаулық сақтау басқармасының баспасөз қызметіне сілтеме жасап.
Алматыдағы инфекциялық ауруханаларда 29 мамырдағы жағдай бойынша менингококк инфекциясын жұқтырған 30 адам жатыр, - деп хабарлайды Tengrinews.kz тілшісі қалалық Денсаулық сақтау басқармасының баспасөз қызметіне сілтеме жасап.
Осыған байланысты дәрігерлер дерттің алғашқы белгілері басталғанда - тамақ ауыру, бас ауруы, температура көтерілген жағдайда, денеде бөртпелер пайда болған жағдайда бірден 103 нөмірі арқылы жедел жәрдем қызметкерлерін немесе учаскелік дәрігерді шақыруға кеңес береді.
"Барлық медициналық ұйым (емханалар) күнделікті сағат 8.00-ден 20.00-ге дейін жұмыс істейді. Бірден дәрігерге көрінудің өте маңызды екенін айтып өту керек. Осы орайда жабық ғимараттарда адам көп жерде өтетін мәдени және спорттық іс-шараларға барғанда, сондай-ақ, бассейнге барғанда абай болуларын сұраймыз. Өз денсаулығыңыз өз қолыңызда екенін есте сақтау қажет", - деп кеңес берді дәрігерлер.
Еске сала кетейік, бұл дерттен төрт адам көз жұмды. Олардың бірі студент, енді бірі балабақшаға барып жүрген бүлдіршін және екі ересек адам.
26 мамырдағы жағдай бойынша, Алматыда 29 адамда менингококк инфекциясы расталды: 26 ересек адам және үш бала. Төрт адам жазылып, ауруханадан шықты, төрт адам көз жұмды.
Менингококк инфекциясы - инфекциялық жұқпалы ауру, ол түрлі клиникалық белгілермен бактериялар арқылы пайда болады - таратушыда белгілері білінбейтін болуы да мүмкін немесе назофарингиттен (мұрын-жұтқыншақ қабынуы), менингиттен (ми қабығының қабынуы) болуы мүмкін. Инфекцияның көзі - ауру адамдар және дені сау таратушылар.
Менингит несімен қауіпті және одан қалай қорғану керек?
