+7 (777) 001 44 99
Қазақша
Русский
English
Алматыдағы метро станцияларының есіктері жолаушылар үшін 10 минутқа ерте ашылатын болды, деп хабарлайды Tengrinews.kz . "Метрополитен" МКК баспасөз қызметіне сілтеме жасай отырып.
Алматы қаласының тұрғыны компанияның ресми сайтына өзінің ұсынысын жазғаннан кейін осындай шешім қабылданған. "Ол таңғы сағат 6.34-те жүретін алғашқы поездға жиі үлгермей қалатынын айтып, стациялардың есігін сәл ертерек ашуды өтінген. Бұрын метро станциялары 6.30-да ашылған болса, бұдан былай 6.20-да ашылатын болады. Ал поездардың жүру кестесі өзгеріссіз қалды. Алматы қаласының метрополитені таңғы 6.20-дан түнгі 23.30-ға дейін жұмыс істейді", делінген "Метрополитен" МКК хабарламасында.
Алматыда Метро 2011 жылы желтоқсанда ашылды. Қазіргі таңда 7 станция жұмыс істейді. Осыдан біраз уақыт бұрын 2014 жылы метроның станциялар тағы екі станциямен толығатыны туралы айтылған еді. Бұл станциялар қаланың орталығы мен шет аудандарын байланыстырады.
