Алматыдағы тұрғын үй кешендерінің бірінде пәтер өртеніп, өртсөндірушілер екі адамды аман алып қалды, - деп хабарлайды Tengrinews.kz тілшісі Алматы ТЖД мәліметіне сілтеме жасап.
20 ақпанда түнгі сағат 01:51-де Алматы ТЖД күштері мен құралдары Бостандық ауданы Өтепов көшесі, 20-үй бойынша жоғары шақырту дәрежесі бойынша жіберілген.
"МӨСБ-1 алғашқы есептері: 4 минутта жеткен сәтте, 13-қабатты тұрғын үйдің екінші қабатында пәтердің отқа оранғаны туралы баяндады. Баспалдақтарда қатты түтін пайда болып азаматтардың өмірі мен денсаулығына қауіп туындады. Дереу газ-түтіннен қорғау қызметінің буындары тұрғын үй кешенінің тұрғындарын эвакуациялау және құтқару бойынша жұмысты бастап, ТЖД күштерімен өртке қарсы қақпақшалар арқылы 2 адам құтқарылып, 15 азамат эвакуацияланды", - делінген хабарламада.
Ауа райын ескере отырып, оқиға орнында эвакуацияланған тұрғындарды жылыту бойынша жұмыс ұйымдастырылғаны айтылды.
"Өрт 02:39-да жойылды. Құрбандар болғандар мен зардап шеккендер жоқ. Қабылданған шаралар арқылы көрші пәтерлер өрттен қорғалды. Өртті жоюға ТЖД жеке құрамынан 35 адам, 11 техника және қаланың шұғыл өзара іс-қимыл қызметі жұмылдырылды", - делінген хабарламада.
Посмотреть эту публикацию в Instagram
Сілтемесіз жаңалық оқисыз ба? Онда Telegram желісінде парақшамызға тіркеліңіз!