+7 (777) 001 44 99
Қазақша
Русский
English
15 наурыз таңертеңге дейін қалаға қанша қар жауды? Бұл туралы Алматы коммуналдық инфрақұрылымды дамыту басқармасы ақпарат берді, - деп хабарлайды Tengrinews.kz тілшісі.
Алматыда 14 наурызда сағат 15:30-дан 15 наурыз сағат 5:00-ке дейін қалыңдығы 15 сантиметр қар жауған.
"Түнгі уақытта 367 техника және 171 жұмысшы қар күреуге шықты. 148 құм таратқыш арқылы көктайғаққа қарсы материалдар себілді. Сағат 07:00-дегі жағдай бойынша 1193 тонна қолданылады. Сағат 20:30-дан 06:00-ге дейін жол патрульдік полиция көлігінің еріп жүруімен 16 баған қар күреді. Сағат 07:00-дегі жағдай бойынша 520 м3, ал қыс бойы 367,8 мың м3 қар шығарылды", - делінген хабарламада.
Таңғы "қарбалас сәттен" кейін қар шығару жұмыстары жалғасатыны айтылды.
"Шағын көлемді 160 тротуар техникасымен тротуарлар мен жалпы аймақтар тазартылып жатыр. Әлеуметтік маңызды нысандарға кіреберістер, қоғамдық көлік аялдамалары және жер үсті жаяу жүргіншілер өткелдері күреліп жатыр. Сағат 08.00-ден бастап 394 арнайы техника, оның ішінде 145 құм таратқыш, 169 тротуардағы қарды күрейтін техника мен 602 жұмысшы жұмылдыру жоспарланған".
"Қазгидромет" РМК болжауынша, күндіз ауа температурасы 0-… +2 градус аралығында, жауын-шашын түспейді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
