Алматыға "Спутник Лайт" вакцинасы келді

Фото: instagram/almaty_zdrav

Алматыдағы қоғамдық денсаулық сақтау басқармасының қоймасына "Спутник Лайт" вакцинасының 12 000 дозасы келді. Препарат ревакцинацияға арналған, - деп хабарлайды Tengrinews.kz тілшісі Қоғамдық денсаулық сақтау департаментінің Instagram-дағы парақшасына сілтеме жасап.

Алматыдағы қоғамдық денсаулық сақтау басқармасының қоймасына "Спутник Лайт" вакцинасының 12 000 дозасы келді. Препарат ревакцинацияға арналған, - деп хабарлайды Tengrinews.kz тілшісі Қоғамдық денсаулық сақтау департаментінің Instagram-дағы парақшасына сілтеме жасап.

Вакцина халыққа 24 қаңтардан бастап қаланың барлық емханасында қолжетімді болады.

Сонымен қатар, ревакцинация толық екпе алғаннан кейін кемі 6 айдан соң ғана жүргізілетіні жазылған.

"Спутник Лайт" - векторлық вакцина, оның құрамы "Спутник V" препоратының бірінші компонентіне ұқсас.

Қазіргі уақытта Алматыда ревакцинация үшін QazVac, Vero Cell және жаңадан келген "Спутник Лайт" вакциналары қолжетімді. Ал Pfizer өзінің контингентіне, сондай-ақ, 60 жастан асқандар мен медицина қызметкерлеріне салынады.

Еске салайық, бұған дейін премьер-министрдің орынбасары Ералы Тоғжанов Pfizer компаниясы Қазақстанда ақылы вакцинация үшін өз препаратын ұсынбайтынын мәлімдеген болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

вакцина коронавирус