Алматыда полицияның модульді пунктінде пранк жасаған жігіт қамауға алынды, - деп хабарлайды Tengrinews.kz тілшісі.
Желіде жас жігіт полицияның модульді пунктіне басып кіріп, өз оқырмандарына сәлем жолдаған видеосы тарап кетті.
Посмотреть эту публикацию в Instagram
Құқықбұзушының ұсталғаны туралы Алматы қалалық полиция департаменті басшысының орынбасары Рустам Абдрахманов Facebook-парақшасында жазды.
Оның айтуынша, пранк жасаған 1991 жылы туған К. есімді азамат ұсталып, Бостандық ауданының полиция басқармасына жеткізілген.
«Құқықбұзушы Әкімшілік құқық бұзу кодексінің 434-бабы - ұсақ бұзақылық бойынша жазаланады. Айту керек, бұл азамат бұрын да жоғарыда аталған бап бойынша жауапкершілікке тартылып, жазасын өтеген»,- деді Рустам Абдрахманов.
Сілтемесіз жаңалық оқисыз ба? Онда Telegram желісінде парақшамызға тіркеліңіз!