+7 (777) 001 44 99
Қазақша
Русский
English
ПОДЕЛИТЬСЯ
Жақында вандалдар Үлкен алматы өзеншігінің бойына отырғызылған ағаштарды сындырған. Бұл туралы Tengrinews.kz оқырманы редакцияның WhatsApp нөміріне +7 777 001 44 99 бейне жіберді.
Жақында вандалдар Үлкен алматы өзеншігінің бойына отырғызылған ағаштарды сындырған. Бұл туралы Tengrinews.kz оқырманы редакцияның WhatsApp нөміріне +7 777 001 44 99 бейне жіберді.
"Біз Төле би даңғылының төмен жағында орналасқан Сайран көлінен шығатын өзен бойымен жүрміз. Міне, аллеяда осындай жабайылық болған. Мұндай сұлулықты қалай сындыруға болады, ағаштар енді ғана күшіне еніп, бүршіктер гүлдей бастады. Олар жақында ғана отырғызылған... Олар осындай зұлымдықты жасады. Мен олардың табылып, жазаланып, өз есебінен 10 есе көп ағаш отырғызуға мәжбүр болғанын қалаймын", - деді Алматы тұрғыны видеода.
Алматы әкімдігінің мәліметінше, белгісіз біреулер 30-дан астам жас көшетті сындырған.
"Осы дерек бойынша биыл 12 тамызда Әуезов аудандық әкімдігінің және полиция басқармасының қызметкерлерімен бірлесіп, оқиға орны тексерілді, тексеру барысында магистральдың ортасында 36 көшет сынғаны анықталды (сәнағаш - 15 дана, қараған - 8 дана және шегіршін - 13 дана). Бұл көшеттерді "Стамп Сервис" ЖШС компаниясы аудан әкімдігімен шарт шеңберінде отырғызған. Аталған компанияның қызметкерлері кінәлі тұлғаларды анықтау үшін Әуезов ауданының полиция басқармасына өтініш білдірді", - деп хабарлады әкімдік.
Сондай-ақ, полиция қызметкерлері куәгерлерге сауалнама жүргізеді, бақылау камераларынан бейнелер зерттеледі.
Зақымдалған ағаштар өмір сүруге жарамсыз болғандықтан, күзде көшеттерді мердігер ұйымның күшімен ауыстыру жоспарланып отыр.
"Құқықбұзушы анықталған жағдайда, ҚР Әкімшілік құқықбұзушылық туралы Кодексінің 386 - бабына сәйкес" жасыл желектерді күтіп - ұстау және қорғау қағидаларын бұзу" бойынша жеке тұлғаларға - 30, шағын кәсіпкерлік субъектілеріне немесе коммерциялық емес ұйымдарға - 60, орта кәсіпкерлік субъектілеріне - 100, ірі кәсіпкерлік субъектілерге - 300 айлық есептік көрсеткіш мөлшерінде айыппұл салуға немесе ескерту жасауға әкеп соғады", - деп мәлімдеді Алматы әкімдігінде.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
