1. Басты
  2. Біл
  3. Жаңалықтар
  4. Ел жаңалықтары

Алматылықтар опырылған жаяу жүргіншілер жолына шағымданды 11 наурыз 2021, 18:16

Алматылықтар кеспе тастар опырылып түскен жолдағы үлкен шұңқырға шағымданды. Аудан әкімдігі болған жағдайға қатысты түсінік берді, - деп хабарлайды
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек

Фото: facebook.com/galina.sviridova.9 Фото: facebook.com/galina.sviridova.9

Алматылықтар кеспе тастар опырылып түскен жолдағы үлкен шұңқырға шағымданды. Аудан әкімдігі болған жағдайға қатысты түсінік берді, - деп хабарлайды Tengrinews.kz тілшісі.

Жолдағы шұңқырдың суреттері Facebook желісіндегі "Дежурный по городу" тобында пайда болды. Кадрлардан тас төсемі бүлініп, жер астына түсіп кеткенін көруге болады.

"Абай даңғылы, Биокомбинат көшесінің оңтүстік жағында жаяу жүргіншілер жолында шұңқыр пайда болған. Құлап кетуден абай болыңыздар", - деп жазған алматылық Facebook-те.

Жағдайға Бостандық ауданы әкімдігінің коммуналдық шаруашылық бөлімі түсінік берді. Ведомство бұл аумақта 2019-2020 жылдары электр сымын төсеу бойынша жұмыстар жүргізілгенін хабарлады. Жобаға тапсырыс берушісі "Алатау Жарық Компаниясы" АҚ, мердігер - "Бадимус Строй" ЖШС.

"Жедел қалпына келтіру шараларын қабылдау үшін ақпарат "Алатау Жарық Компаниясы" АҚ басшылығына хабарланды. "Алатау Жарық Компаниясы" АҚ мәліметіне сүйенсек, жолдағы шұңқыр қысқа мерзімде қалпына келтіріледі", - деді ведомство өкілдері.

Бұған дейін Алматыда жүргізушілер Төле би көшесіндегі үлкен шұңқырға шағымданған еді. Алдын ала мәлімет бойынша, жол төсемі диаметрі 250 миллиметр су құбырынан аққан судан топырақтың шайылуына байланысты бұзылған.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!