Алматыда 14 мамыр күні сағат 11:00-де сиреналар дауысы естілді. Tengrinews.kz тілшісі мұның себебін анықтады.
Бұған дейін Алматы ТЖД қалада жалпықалалық сейсмикалық жаттығу өткізілетінін ескерткен. Сол кезде сиреналық-сөйлеу қондырғыларын қосу, телерадиоарналарды қамту, мобильді қосымшалар арқылы хабарламалар жіберу жолымен қалалық құлақтандыру жүйесі іске қосылатыны айтылған.
Алматылықтардың смартфондарына сейсмикалық жаттығу туралы хабарлама келген.
Алайда алматылықтар әлеуметтік желілерде ешқандай хабарлама келмегенін жазып жатыр.
ТЖД сондай-ақ Алматыда 384 халықты қабылдау пункті ашылатынын хабарлады.
