+7 (777) 001 44 99
Қазақша
Русский
English
20 қазанда Алматыда, №8 қалалық клиникалық аурухана аумағында (Түрксіб ауданы, Ақан сері көшесі, 36) сағат 06:00-ден 14:00-ге дейін терроризмге қарсы жоспарлы оқу-жаттығулар өтеді, - деп хабарлайды Tengrinews.kz тілшісі қалалық терроризмге қарсы күрес жөніндегі жедел штабқа сілтеме жасап.
Оқу-жаттығу мақсаты – адам көп шоғырланған жерлерде лаңкестік қауіп төнген жағдайда өзара әрекеттесу дағдыларын дамыту.
"Оқытудың мақсаты террористік тұрғыдан осал нысандардағы лаңкестік әрекеттердің жолын кесу, жарылғыш құрылғыларды залалсыздандыру, сондай-ақ кепілге алынғандарды босату және террористерді залалсыздандыру тетігін жетілдіруге бағытталған", - делінген хабарламада.
Жаттығу кезінде шектеу шаралары қолданылады.
"Осыған байланысты азаматтарды оқиғаларға түсінікпен қарауға, тыныштық пен қауіпсіздік шараларын сақтауға, оқу-жаттығуларға қатысқан мемлекеттік қызметкерлердің заңды талаптарын сақтауға шақырамыз", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
