Алматыны қалың қар басты

Гүлнара Досымшалова Корреспондент

Алматыда 45 сантиметрге дейін қар жауды. 15 ақпан күні таңғы сағат 09:30-дағы жағдай бойынша қаладан 450 текше метр қар шығарылды, - деп хабарлайды Tengrinews.kz тілшісі.

Алматыда 45 сантиметрге дейін қар жауды. 15 ақпан күні таңғы сағат 09:30-дағы жағдай бойынша қаладан 450 текше метр қар шығарылды, - деп хабарлайды Tengrinews.kz тілшісі.

Тұрғын үй саясаты басқармасы қалада таңғы сағат сегіздегі жағдай бойынша қалыңдығы 15-18 сантиметр қар жауғанын хабарлады.

"Қардың қалыңдығы тау етегінде 22-30 сантиметр, тауда 45 сантиметрге дейін", – делінген хабарламада.

Фото Айжан Түгелбаева/Tengrinews

Сағат 00:00-ден бастап қаланың коммуналдық қызметі жолдарға көктайғаққа қарсы материал сепкен. Сағат 03:30-дан бастап жол полициясының патрульдік көліктерінің сүйемелдеуімен қар тазалау колонналары ұйымдастырылды. Басты көшелерде үш рет қар тазаланды. Тротуарларды, жаяу жүргіншілер аймақтарын, қоғамдық көлік аялдамаларын, қоғамдық орындарды механикаландырылған және қолмен тазалау жұмыстары күшейтілді.

Таңғы сағат 09.30-да қаладағы жолдар мен тротуарлардан 450 текше метр қар шығарылды. Қар тазалауға барлығы 616 арнайы техника, 1463 жол жұмысшысы жұмылдырылды, көктайғаққа қарсы 3050 тонна материал жұмсалды.