+7 (777) 001 44 99
Қазақша
Русский
English
Алматыдағы Саин көшесінде металл бөлгіш қоршаулар алынды. Осы жағдайға қала әкімдігі түсінік берді, - деп хабарлайды Tengrinews.kz тілшісі.
Алматы әкімдігі Саин көшесіндегі бұрынғы қоршаудың орнына жаңа қоршау орнатылатынын мәлімдеді.
"Саин көшесінде тозығы жеткен темір қоршау мырыштан жасалған қоршауға ауыстырылады. Өзгеріс Саин көшесінің бойында Абай даңғылы, Шаляпин мен Жандосов көшелерінің қиылысында (туннельде), әсіресе қауіпті аймақтарда жүргізіледі", - деді Алматы әкімдігі.
Қала тұрғындарында ескі қоршау орнына тұрғызылған қисық бағандарға қатысты көптеген сұрақтар туындауда.
"Бұл - әлі аяқталмаған жұмыс. Негізгі қоршаулар тегістеліп, орнатылады. Суретте тек тіректер көрсетілген. Бұған дейін құбыр қоршаулардың қызмет ету мерзімі өтіп кеткен. Олар коррозияға ұшырағандықтан дұрыс тұрмаған", - делінген хабарламада.
Саин көшесі - Алматыдағы негізгі көлік бағыттарының бірі.
Бұған дейін алматылықтар қаладағы автотұрақтардың дұрыс ұйымдастырылмауына шағымданған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
