"Алтын дән" жәрмеңкесінде 1000 тоннадан астам өнім сатылды

Егін жинау науқанының аяқталуына орай "Алтын дән-2023" мерекесі аясында облыс орталығында ауыл шаруашылығы өнімдерінің жәрмеңкесі ұйымдастырылды.

Егін жинау науқанының аяқталуына орай "Алтын дән-2023" мерекесі аясында облыс орталығында ауыл шаруашылығы өнімдерінің жәрмеңкесі ұйымдастырылды.

Онда барлық аудандар мен Қызылорда қаласының шаруалары өз өнімдерін базар нарығынан 15-20 пайызға төмен бағада ұсынды. Ауылдардан 425 жүк көлігімен 1000 тоннадан астам өнім әкелінді.

Облыс әкімі Нұрлыбек Нәлібаев тұрғындармен бірге жәрмеңкелерді аралап, халықпен пікірлесті.

Сыр диқандары 286 млн. теңгенің 1020,6 тонна өнімін ұсынуда.

Саудаға 140 тоннадан астам күріш, 25 тонна ет, 30 тоннадай балық өнімдері, 200 тонна картоп, 80 тонна сәбіз, 120 тонна пияз, 90 тоннадан астам көкөніс пен жеміс-жидектер, 200 тонна бақша өнімдері, 115 тонна асқабақ, 6 тоннадай сүт өнімдері, 10 тоннаға жуық бакалея және кондитер өнімдері, 140 бас тоқты, 50 тоннадан астам жем-шөп қойылған.