Америкалық сөздік жыл сөзін анықтады

Дина Шарипханова Корреспондент

"Gaslight" фильмінен

Merriam-Webster америкалық сөздігі жыл сөзін анықтады, - деп хабарлайды Tengrinews.kz тілшісі ұйым сайтына сілтеме жасап.

Жарияланған мәліметке сәйкес, 2022 жылғы жыл сөзі "газлайтинг" болды. Бұл термин 1938 жылғы пьеса және басты рөлді Ингрид Бергман сомдаған фильм атауынан шыққан, ол осы рөлі үшін "Оскар" алған.

Сөздікте "газлайтинг" адамды өз ойының дұрыстығына, шындықты немесе естеліктерді қабылдауына күмәндануға мәжбүрлейтін және шатасуға, сенімділік пен өзін бағалауды жоғалтуға, эмоционал тәжірибеде сенімсіздікке әкелетін манипуляциялық әдіс ретінде анықтама берілген.