+7 (777) 001 44 99
Қазақша
Русский
English
Америкалық миллионер Қазақстанға инвестиция құюға ниеттеніп отыр. Бұл туралы ол Tengrinews.kz тілшісіне берген сұхбатында айтып берді.
"Осыған дейін мен бірнеше себеппен Қазақстанға инвестиция құймай келдім. Оның бір - Қазақстанның басқа елдер үшін жабық болуы. Дегенмен бәрі өзгерді, қазір мен түрлі нұсқа қарап жатырмын. Қолымда өзім инвестиция құя алатын компаниялардың тізімі де бар. Бәрі де мүмкін", - деді Джим Роджерс.
Сонымен қатар, миллионер Қазақстанда болуды бақыт деп есептейтінін айтты.
"Мен мұнда болғаным үшін өте бақыттымын. Бұл жерде 5-6 рет болдым. Менің ойыма бірінші болып келетіні - дала. Ол өте үлкен", - деді Джим Роджерс.
Америкалық милионер және инвестор Джим Роджерс Қазақстанға халықаралық "Astana Invest-2015" форумына қатысу үшін келді.
Бұған дейін Джим Роджерс CNN телеарнасына Қазақстанға инвестиция құюға кеңес берген болатын.
Айта кетейік, Джим Роджерс - кітап авторы, қаржы сарапшысы, халықаралық инвестор.
