Ананы сыйлаудың өзгеше үлгісін көрсететін шара өтті

27 Наурыз 2017, 17:07
1
Ананы сыйлаудың өзгеше үлгісін көрсететін шара өтті - © muftyat.kz
© muftyat.kz

Талдықорған қаласындағы "Иман" мешітінің келушілері аналарын құрметтеп, ардақтаудың өзгеше үлгісін көрсететін шара өткізді, - деп хабарлайды Tengrinews.kz тілшісі ҚМДБ-ның Талдықорған өңірі бойынша баспасөз қызметіне сілтеме жасап.

Жиынға қатысқан әрбір мұсылман анасына деген махаббатын шын жүректен білдірді. Анасына Алладан дұға етіп, амандығын сұрап, қолдарынан сүйіп, мүбарак зәмзәм суынан ұсынды және аналарының аяғын жуып берді.

"Әз аналардың аяғын жуу рәсімін өткізген соң, аналар қауымы өзінің балаларына ризашылығын білдірді. Хадисте: "Алланың разылығы - ата-ананың разылығында", - делінген.

Алла Тағала Құрандағы "Лұқман" сүресінің 14-аятында: "Маған және әке-шешеңе шүкір ет", - деп бұйырған. Ал, Пайғамбармыздың (Алланың оған игілігі мен сәлемі болсын) хадисінде: "Жаннат -  аналардың табандарының астында" делінген. Біз, мұсылмандар, аналарымызды тек Наурыз мейрамы кезінде ғана емес, өмір бойы сыйлап өтуге міндеттіміз, борыштымыз", - делінген баспасөз хабарламасында.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай