+7 (777) 001 44 99
Қазақша
Русский
English
Сыбайлас жемқорлыққа қарсы іс-қимыл ұлттық бюросы Airbus ұшақтарының Сирияға сатылғалы жатқаны туралы мәліметті тексеруге алды, - деп хабарлайды Tengrinews.kz тілшісі Бас көлік прокуратурасына сілтеме жасап.
БАҚ бетінде Қазақстанда тіркелген Airbus ұшақтары Сирияға сатылатыны туралы ақпарат талқыланып жатыр.
"Материалдарды зерттей келе Инвестициялар және даму министрлігінің Азаматтық авиация комитеті әуе кемелерін тіркеуге алу мен тіркеуден шығару кезінде әуе кеңістігін пайдалану және авиация қызметі туралы заңды өрескел бұзғаны анықталды", - делінген баспасөз баянында.
2017 жылдың 25 ақпанында аталған деректер бойынша материалдарды Бас көлік прокуратурасы тіркеуге алып, Сыбайлас жемқорлыққа қарсы іс-қимыл ұлттық бюросына тексеруге берілгені хабарланды.
Мұның алдында БАҚ-та 2016 жылдың 30 желтоқсанында Инвестициялар және даму министрлігінің Азаматтық авиация комитеті жеке тұлғаның өтінішімен екі Airbus A340 ұшағын тіркеуге алғанын хабарланған. Бұл ұшақтар Араб Әмірліктерінде тіркелген шетелдік әуе компаниясына тиесілі. БАҚ мәліметі бойынша, бұл ұшақтар Қазақстанға ешқашан ұшып келмеген.
