Ақмола облысында тікұшақтың жерге қонғаны түсірілген видео жарияланды

Мөлдір Қалықова

КТК телеарнасы А?мола облысында Ми-2 тік?ша?ыны? жерге ?атты ?он?аны т?сірілген видеоны жариялады.

КТК телеарнасы Ақмола облысында Ми-2 тікұшағының жерге қатты қонғаны түсірілген видеоны жариялады.

Телеарнаның мәліметінше, Ми-2 тікұшағы Ақкөл маңындағы орманға жақын жерде құлаған. Ұшақтан қазір сау тамтық жоқ. Толығымен жанып кеткен. Апат болған аумақ қазір қоршауға алынған. Енді Азаматтық авиация комитетінен құралған комиссия апатқа нақты не себеп болғанын анықтауы тиіс. (Дереккөз: КТК)

Еске сала кетейік, 22 қыркүйекте Ақмола облысында Ми-2 тікұшағының жерге қатты қонғаны хабарланған болатын. "ҚР ИДМ Азаматтық авиация комитеті...бүгін, 2017 жылдың 22 қыркүйегінде "Тянь-Шань" әуекомпаниясына тиесілі тікұшақтың жерге қатты қонғанын және экипаждағылардың аман қалғанын хабарлайды", - делінген еді Азаматтық авиация комитетінің хабарламасында.