Ақтөбедегі терактіден жарақат алған төрт адам ауыр жағдайда жатыр - Дүйсенова

Ақтөбедегі медициналық мекеме. © Tengrinews.kz

Ақтөбедегі терактіден жарақат алған төрт адам ауыр жағдайда жатыр. Мұндай мәліметті Парламенттің үзілісінде денсаулық сақтау және әлеуметтік даму министрі Тамара Дүйсенова келтірді, - деп хабарлайды Tengrinews.kz тілшісі.

Ақтөбедегі терактіден жарақат алған төрт адам ауыр жағдайда жатыр. Мұндай мәліметті Парламенттің үзілісінде денсаулық сақтау және әлеуметтік даму министрі Тамара Дүйсенова келтірді, - деп хабарлайды Tengrinews.kz тілшісі.

"Кеше әкім жедел медициналық көмек ауруханасы бойынша хабарлады - бізде 9 адам ауыр жағдайда болды. Қазір төртеу. Құдайға шүкір, бесеуінің жағдайы түзелді. Қазір төртеуіне бақылау орнаттық. Олардың денсаулығын бақылап отырмыз, жағдайлары түзеледі, барлығы жақсы болады", - деді министр.

Биыл 5 маусымда Ақтөбеде теракт болған еді, оның салдарынан ондаған адам қаза тапты. Қазақстанда террорлық қауіптің сары деңгейі, ал Ақтөбеде қызыл деңгейі енгізілді. Шабуыл жасаған 13 адам өлтірілді, тағы төртеуі жараланды, енді алты адам іздеуде жүр.

Осыған дейін Қазақстан Президенті Нұрсұлтан Назарбаевпен кездесуде ҰҚК төрағасы Владимир Жұмақанов Ақтөбедегі жағдайды баяндаған еді. "13 адамның көзі жойылды, 14-і жарақат алған, дайындық кезеңінде 20 адам болған, олардың барлығы анықталып, олардан жауап алынды. Қазіргі уақытта алты адам іздеуде. Олар екі топпен жүр және біреуі олардан бөлек. Олардың Ақтөбеде жүргені белгілі", - деді Жұмақанов.

ҰҚК Құқық қорғау органдары Қауіпсіздік Қару-жарақ Назарбаев Нұрсұлтан Медицина Денсаулық Ақтөбедегі атыс Ақтөбе облысы