+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Білім және ғылым министрі Асхат Аймағамбетов еліміздің барлық өңірінің студенттерімен, студенттік парламент, Жастар ісі жөніндегі комитеттерінің өкілдерімен және ЖОО-ның проректорларымен кездесті, - деп хабарлайды Tengrinews.kz тілшісі. Министр студенттердің ой-пікірлері мен ұсыныстарын ортаға салып, негізгі бағыттарды түйіндеді.
Білім және ғылым министрі Асхат Аймағамбетов еліміздің барлық өңірінің студенттерімен, студенттік парламент, Жастар ісі жөніндегі комитеттерінің өкілдерімен және ЖОО-ның проректорларымен кездесті, - деп хабарлайды Tengrinews.kz тілшісі. Министр студенттердің ой-пікірлері мен ұсыныстарын ортаға салып, негізгі бағыттарды түйіндеді.
"Студентке бағытталған оқыту - жоғары білім беру жүйесінің басым бағыттарының бірі. ЖОО басшылығы студенттердің бастамаларын қолдауы керек. Студенттер ұсынған қызықты жобаларды университеттер мүмкіндігіне қарай қолдауы қажет, әсіресе қаржылай қолдау", - деді Аймағамбетов.
Ол сонымен қатар студенттік үкіметті ерекше атап өтті.
"Студенттік өзін-өзі басқару. Әрбір университетте студенттік парламенттер құрылуы керек. Мұндай ұйымдар студенттердің саяси және құқықтық мәдениетін дамытады. Бұл парламенттердің формализм үшін ғана жұмыс істемеуі маңызды. Студенттік парламенттің мүшелерін студенттердің өздері сайлауы керек. Ал сайланған өкілдерге мәселелерді шешу үшін белгілі бір мүмкіндіктер ұсынылуы қажет", - деді Аймағамбетов.
Мысалы, олар бос гранттарды немесе Президенттік стипендияны және т.б. жұмысты келісе алар еді. Осы және басқа да мәселелерді Студенттік парламентпен келісіп қабылданатын шешімдердің ашықтығы мен заңдылығын қамтамасыз етеді, деп есептейді Білім және ғылым министрлігінің басшысы.
Министр волонтерлік қызметке қолдау көрсету туралы да айтты.
Қоғамдық маңызы бар іс-шарамен айналысатын белсенді студенттердің санын көбейту үшін әртүрлі ынталандыру тетіктері бар. Мысалы, енді 20 сағаттық волонтерлік қызмет үшін студенттерге ваучер түрінде несие беріледі. Сондай-ақ олар 20 000 теңге мөлшерінде бір жолғы ақшалай төлем ала алады. Егер студент 50 сағат жұмыс істесе, онда оған бес академиялық кредит (сағат) есептеліп, 50 000 теңге төленеді.
"Бірақ бұл ынталандыру шаралары екенін түсіну маңызды. Дүние жүзінде волонтерлік қызмет ерікті түрде жүзеге асады", - деді Аймағамбетов.
Министр дебат қозғалысының маңыздылығын да атап өтті. Оның пікірінше, дебат факультеттерден бастап, ел деңгейіне дейін барлық деңгейде өтуі керек.
Білім министрлігінің басшысы жұмыс істеп тұрған спорт залдары оқушыларға қолжетімді болуы керектігін атап өтті. Сондай-ақ студенттік спорт лигаларын дамыту қажет.
Сонымен қатар әлеуметтік GPA енгізу, жайдарман қозғалысын дамыту, жастар ісі жөніндегі комитеттердің жұмысы, тоқсан сайынғы ректорлардың студенттермен кездесу мәселелері де талқыланды.
"Қорытындылай келе, біз министрлік жанынан 70-тен астам студентті қамтитын Студенттік кеңес құрғанымызды атап өткім келеді. Біз алдағы уақытта тоқсан сайын студенттермен кездесіп, айтылған ұсыныстарды бірлесе атқаратын боламыз", - деп түйіндеді министр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
