+7 (777) 001 44 99
Қазақша
Русский
English
Астанада екі әйел бірнеше жыл бойы мемлекеттік бағдарлама атын жамылып әрекет еткен. Олар алаяқтық схемасын жасаған, - деп хабарлайды Tengrinews.kz тілшісі.
Бас прокуратура мәліметінше, екі таныс 1 млрд теңгеден астам сомаға алаяқтық жасаған.
"Олар кеңсені жалға алып, жұмыс істеп тұрған ЖШС-ның деректемелерін пайдаланып, азаматтарды жеңілдетілген шарттармен Астана мен Алматыда орналасқан жоғары санатты тұрғын үй алу, сондай-ақ мемлекеттік бағдарлама аясында несие мен қарыз рәсімдеуге уәде беріп, жалған келісімшарттар жасасу арқылы жаңылыстырған.
Олардың әрекеттері нәтижесінде 150 жәбірленушіге 1 миллиард теңгеден астам шығын келтірілген", - делінген хабарламада.
Сот үкімі бойынша, сотталушылардың кәмелет жасқа толмаған балаларының болуын, шығынды жартылай өтеуі жеңілдететін мән-жай ретінде танылып және ауырлататын мән-жайлардың болмауы ескеріліп, олардың әрқайсысына 6 жыл 8 ай мерзімге бас бостандығынан айыру жазасы тағайындалып, 5 жыл мерзімге материалдық жауапты және басшылық қызметтер атқару құқығынан айырылды. Келтірілген материалдық залал сотталғандардан өндірілген.
Үкім заңды күшіне енді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
